Marko Rýbıo AQSh pen Ýkraına delegatsııalarynyń kelissózi nátıjeli ótkenin aıtty

ASTANA. KAZINFORM – AQSh Memlekettik hatshysy Marko Rýbıo Tramptyń beıbitshilik jospary boıynsha kelissózderdi «óte ónimdi» dep sıpattady. Biraq maqsatqa jetý úshin kóbirek jumys isteý kerektigin atap ótti, dep habarlaıdy DW.

- Jenevadaǵy kelissózderdiń nátıjeleri men osy aptadaǵy oqıǵalarǵa negizdelgen taǵy bir óte ónimdi sessııa ótkizdik, - dedi Memlekettik hatshy.

Ol Ýkraınadaǵy kelisimge qol jetkizý úshin Reseıdi qosý kerek dep málimdedi. Osy maqsatta arnaıy elshi Stıven Ýıtkoff aldaǵy kúnderi Máskeýge barady.

Ýkraına delegatsııasyndaǵy derekkóz buǵan deıin AFP agenttigine qaqtyǵysty toqtatýǵa arnalǵan «beıbitshilik jospary» boıynsha jabyq kelissózder «qıyn» bolǵanyn aıtqan. Ol qatysýshylar AQSh-Reseı kelissózderinde naqty nátıjege qol jetkizýge tyrysyp jatqanyn qosty.

CNN derekkóziniń habarlaýynsha, taraptar qaqtyǵystyń aıaqtalýyna qatysty eń sezimtal máselelerdiń keıbirin qarastyrdy. Ýkraına men AQSh delegatsııalarynyń Florıdadaǵy kelissózi úzilispen qosa eseptegende shamamen alty saǵatqa sozyldy.

Buǵan deıin AQSh pen Ýkraına delegatsııalary beıbitshilik jospary týraly kelissóz júrgizip jatqanyn jazǵan edik.