Marketpleıste saýda jasaıtyn kásipkerler úshin yńǵaıly joba iske qosyldy

ASTANA. QazAqparat - 1 shildeden bastap Memlekettik kirister komıteti tanymal marketpleısterde saýda jasaıtyn jeke kásipkerlerge arnalǵan pılottyq jobany bastady, dep habarlaıdy QazAqparat.

Pılottyq jobaǵa elektrondy saýda alańdarynda saýda jasaıtyn jáne ońaılatylǵan deklaratsııa nemese bólshek salyq negizinde arnaıy salyq rejımin qoldanatyn jeke kásipker erikti túrde qatysa alady.

Pılottyq jobaǵa qatysýdyń artyqshylyqtary:

- kiristi esepke alýǵa jáne salyqtyq esepti toltyrýǵa ýaqytty únemdeý;

- salyqtyq tekserýlerdiń azaıýy;

- aı saıynǵy tólem kezinde jeke kásipker úshin birkelki júkteme;

- qyzmet kórsetetin banktiń qosymshasyndaǵy tólem

Jeke kásipker pılottyq jobaǵa qatysý úshin ózderi jumys isteıtin marketpleıste ótinish berý kerek.

Memlekettik kirister komıtetiniń pılottyq jobasy týraly aqparatty 1414/3 nómiri arqyly ala alasyz.