Marketıngtik kommýnıkatsııa naryǵynda ınternet-jarnamanyń úlesi 12-15 paıyzdy quraıdy
ALMATY. 11 qazan. QazAqparat /Erlik Erjanuly/ - Túrli taldaý agenttikteriniń boljamyna qaraǵanda, ınternet-jarnama marketıngtik kommýnıkatsııa naryǵynyń besten birin quraǵanda damý turaqty bolady.
Bul búgin Almatyda ótip jatqan 2-Qazaqstandyq ınternet aptalyǵynda aıtyldy.
"Reseıdiń marketıngtik kommýnıkatsııa naryǵynda ınternet-jarnamanyń úlesi 8 paıyzdy quraıdy. Álemdik tájirıbege qarasaq, ol ózge elderde 12-15 paıyz", - deıdi "Begýn" kompanııasynyń aımaqtyq damý departametiniń jetekshisiMargarıta Demınskaıa. Onyń aıtýynsha, Reseıdiń marketıngtik kommýnıkatsııa naryǵy bıyl 16,6 paıyzǵa ósýi múmkin. Byltyr ol 18 paıyzǵa ósip, 315 mıllıard rýbldi quraǵan bolatyn. Onyń ishinde kontekstik jarnama 16,85 mıllıard rýbl. Ol kórshiles Ýkraınada 2010 jyly 46 paıyzǵa ósip, 14 mıllıon dollar boldy. Jalpy Qoǵamdyq pikir qorynyń 2010 jyldyń jeltoqsan aıynda júrgizgen zertteýlerine qaraǵanda, Reseıdiń ınternet qoldanýshylary 33 mıllıon adam. Bul 12 jastan joǵarǵy el turǵyndarynyń 33 paıyzy. Al mobıldi ınternettiń aýdıtorııasy 22 mıllıon adamdy nemese 12 jastan joǵarǵylardyń 18 paıyzyn quraýda.
