Markelov pen Babýrovany óltirýshi ómirlik abaqtyǵa jabyldy
ASTANA. 6 mamyr. QazAqparat - Máskeý qalalyq soty advokat Stanıslav Markelov pen jýrnalıst Anastasııa Babýrovanyń óltirilýine qatysty qylmystyq is boıynsha úkimdi jarııalady.
Nıkıta Tıhonov eki adamnyń ólimine kináli dep tabylyp, ómir boıy túrmede otyrý jazasyna kesildi. Onyń azamattyq nekedegi áıeli Evgenııa Hasısti 18 jylǵa túrmede otyrýǵa úkim shyǵardy, dep habarlaıdy RBK.
BAQ málimetteri boıynsha, sot Babýrovanyń týystarynyń azamattyq talap aryzynyń bir bóligin ǵana qanaǵattandyrdy. Tıhonovqa moraldik shyǵyn úshin 2 mıllıon rýbl, sot shyǵyndary úshin 40 myń rýbl tóleýdi mindettedi. Talap aryz ıeleri moraldik shyǵyn úshin 5 mıllıon rýbl suraǵan bolatyn.
Markelov pen Babýrova Máskeýde 2009 jyldyń qańtarynda atyp óltirildi. Ultshyldar Tıhonov pen Hasıs kúdiktiler retinde 2009 jyldyń kúzinde ustalǵan bolatyn. Tergeý oryndarynyń málimetteri boıynsha, olar Markelovti sotta antıfashısterdi jáne kavkazdyqtardy qorǵaǵany úshin, al Babýrovany kýáger retinde kózin joıǵan.
