Marqakóldegi órtti sóndirýge 83 adam jáne 2 tikushaq jumyldyryldy
ASTANA. KAZINFORM — «Marqakól orman sharýashylyǵy» KMM aýmaǵynda qurǵaq shóp pen butalar órtendi.
Órtti sóndirý jumystary jetýi qıyn aýmaqta júrgizilýde. Jumystarǵa orman kúzeti men TJM bólimsheleriniń kúshteri jumyldyrylǵan.
Órtti sóndirýge barlyǵy 83 adam, 10 órt sóndirý tehnıkasy jáne 2 tikushaq tartyldy. Onyń ishinde orman kúzetinen – 76 adam men 8 tehnıka, TJM-nen – 7 adam men 2 tehnıka.
Jeke quramdy jetkizý jáne jaǵdaıdy baqylaý úshin ormandardy avıatsııalyq qorǵaý sheńberinde tartylǵan tikushaq jumyldyryldy.
Órtti sóndirý jumystary jalǵasýda. Jaǵdaı jumyldyrylǵan qyzmetterdiń baqylaýynda.
