Marqakóldegi orman órtine 70 maman men eki tikushaq jumyldyryldy
ASTANA. KAZINFORM — Marqakól aýdanynda «Marqakól orman sharýashylyǵy» KMM aýmaǵynda (Aqjaılaý ormanshylyǵy) taýly jerde qurǵaq shóp pen buta jandy.
Órtti sóndirýge TJM, orman sharýashylyǵy jáne «Qazavıaormanqorǵaý» mekemelerinen shamamen 70 adam men 8 tehnıka, sondaı-aq TJM «Qazavıaqutqarý» qyzmetiniń eki tikushaǵy jumyldyrylǵan.
Órtti sóndirýdiń qıyndyǵy taýly, jetýi qıyn jerlerge baılanysty. TJM tikushaqtarymen 9 ret sý tógildi.
Jaǵdaı jumyldyrylǵan qyzmetterdiń baqylaýynda.
Aıta ketelik Qaraǵandy oblysynda bir táýlikte 280 gektar aýmaqtaǵy 4 tabıǵı órt sóndirildi.
