Marqakólde Qyzyl kitapqa engen sırek gúlder ósedi
ÓSKEMEN. KAZINFORM – Marqakól óńiriniń ósimdikter álemi kóz tartar ásemdigimen ǵana emes, sırek kezdesetin túrlerimen de erekshelenedi, dep habarlaıdy Ekologııa jáne tabıǵı resýrstar mınıstrligi.
Solardyń biri – Keller popovnıgi (Pyrethrum kelleri). Bul Ońtústik Altaıda ǵana kezdesetin relıkti endemık jáne Qazaqstannyń Qyzyl kitabyna engizilgen asa sırek ósimdikterdiń biri.
– Keller popovnıginiń taralý aýmaǵy óte shekteýli. Sondyqtan tabıǵı popýlıatsııasyn saqtaý jáne onyń ósetin ortasyn qorǵaý erekshe mańyzǵa ıe, – delingen mınıstrlik málimetinde.
Marqakól tabıǵatynda kezdesetin taǵy bir erekshe ósimdik – ashyq qundyzshóp. Ony son-trava dep te ataıdy. Kúlgin tústi, syrtyn názik túkter kómkergen bul gúl kóktem mezgilinde Marqakól tabıǵatyna erekshe reńk beredi.
Sırek kezdesetin ósimdikterdi saqtaý úshin olardyń tabıǵı meken etý ortasyn qorǵaý mańyzdy. Tabıǵat aıasynda mundaı gúlderdi julmaı, ósimdikter dúnıesine uqypty qaraý qajet.
Aıta keteıik, Qyzyl kitapqa engen Sıvers almasy týraly mynaý siltemeden oqı alasyz.
