01:01, 27 Qyrkúıek 2023 | GMT +5
Marqakólde eki kún boıy jaýǵan qardyń qalyńdyǵy 30 sm jetti
Marqakól qoryǵynda alǵashqy qar tolastamaı jaýyp jatyr, dep habarlaıdy QazAqparat Orman sharýashylyǵy jáne janýarlar álemi komıtetine silteme jasap.
Bıyl erekshe qorǵalatyn tabıǵı aýmaqtardaǵy alǵashqy qar Marqakól qoryǵyna jaýdy.
Eki kún boıy tolassyz japalaqtaǵan qardyń qalyńdyǵy 20-30 santımetrge deıin jetken.
Jalpy bıyl Shyǵys Qazaqstan oblysynda alǵashqy qar erte jaýdy.
Ótken tamyz aıynyń ortasynda Katonqaraǵaı aýdanyndaǵy Altaı taýynyń eń bıik núktesi Muztaý shyńyna qar túsken bolatyn.
«Sońǵy 10 jyl kóleminde qardyń osynshama erte jaýýy alǵash ret. Biraq qar tez erip ketti», — deıdi Kókkól sarqyramasynyń mańynda ornalasqan týrıstik lager jetekshisi, alpınıst Vıacheslav Orlov.
Posmotret etý pýblıkatsııý v Instagram