Marqakól memlekettik tabıǵı qoryǵy aımaǵynda turatyn halyq úshin áýesqoılyq balyq aýlaý qaǵıdalary bekitildi

 
***

Qazaqstan Respýblıkasy Úkimetiniń qaýlysy

2012 jylǵy 24 sáýir,      Astana, Úkimet Úıi

Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshin  ruqsat etiletin áýesqoılyq (sporttyq) balyq aýlaý qaǵıdalaryn  bekitý týraly

«Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 7-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshin ruqsat etiletin áýesqoılyq (sporttyq) balyq aýlaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri    K.MÁSІMOV.

Qazaqstan Respýblıkasy Úkimetiniń 2012 jylǵy 24 sáýirdegi  №512 qaýlysymen  bekitilgen

Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshin ruqsat etiletin áýesqoılyq (sporttyq) balyq aýlaý qaǵıdalary

1. Jalpy erejeler
1. Osy Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshin ruqsat etiletin áýesqoılyq (sporttyq) balyq aýlaý qaǵıdalary (budan ári - Qaǵıdalar) «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń 7-babynyń 4) tarmaqshasyna sáıkes ázirlendi.
2. Marqakól memlekettik tabıǵı qoryǵynyń (budan ári - qoryq) aýmaǵynda arnaıy bólingen ýchaskelerde onyń kúzetý aımaǵynda turatyn jergilikti halyqtyń muqtajy úshin memlekettik ekologııalyq saraptamanyń oń qorytyndysy bolǵan jaǵdaıda bıologııalyq negizdemeniń negizinde áýesqoılyq (sporttyq) balyq aýlaýǵa jol beriledi.
3. Qoryqta áýesqoılyq (sporttyq) balyq aýlaýdy qoryq ákimshiligi osy Qaǵıdalardyń 1-qosymshasyna sáıkes Marqakól kóliniń arnaıy bólingen ýchaskelerinde uıymdastyrady.
4. Arnaıy bólingen ýchaskelerde áýesqoılyq (sporttyq) balyq aýlaý 1 mamyrdan bastap 1 shildeni qosa alǵanda, baǵaly balyq túrleriniń ýyldyryq shashý kezeńinen basqa, 1 aqpannan bastap 31 jeltoqsandy qosa alǵandaǵy kezeńde júrgiziledi.

2. Áýesqoılyq (sporttyq) balyq aýlaý tártibi
5. Áýesqoılyq (sporttyq) balyq aýlaýǵa balyq aýlaýshyda jeke basyn kýálandyratyn qujattar jáne áýesqoılyq (sporttyq) balyq aýlaýǵa joldama (budan ári - joldama) bolǵan jaǵdaıda jol beriledi.
6. Osy Qaǵıdalardyń 2-qosymshasyna sáıkes nysan boıynsha joldamany qoryq ákimshiligi beredi jáne osy Qaǵıdalardyń 3-qosymshasyna sáıkes nysan boıynsha nómirlengen, tigilgen jáne qoryq ákimshiliginiń móri basylǵan qoryqta áýesqoılyq (sporttyq) balyq aýlaýǵa joldamalar berý jýrnalyna tirkeıdi.
7. Joldamalar nómirlenedi jáne qatań eseptilik qujaty bolyp tabylady.
8. Joldama turǵylyqty jerinen anyqtama jáne Qazaqstan Respýblıkasynyń salyq zańnamasynda belgilegen stavkalar boıynsha janýarlar dúnıesin paıdalanǵany úshin aqy tólengenin rastaıtyn qujattar bolǵan jaǵdaıda beriledi.
9. Joldama kúntizbelik 7 kúnge deıin merzimge beriledi, bir joldamaǵa aýlanatyn balyq kólemi 5 kılogramnan aspaıdy.
10. Joǵalǵan jáne paıdalanylmaǵan joldama qalpyna keltirilmeıdi jáne uzartylmaıdy.
11. Balyq aýlaýshy áýesqoılyq (sporttyq) balyq aýlaý bastalar aldynda qoryqtyń baqylaý pýnktinde tirkelý úshin osy Qaǵıdalardyń 6-tarmaǵynda kórsetilgen qujattardy tapsyrady.
12. Arnaıy bólingen áýesqoılyq (sporttyq) balyq aýlaý ýchaskeleri jergilikti jerde áýes­qoılyq (sporttyq) balyq aýlaý oryndary týraly aqparaty bar kórsetkish belgilermen belgilenedi.
13. Áýesqoılyq (sporttyq) balyq aýlaý barlyq júıeler men ataýlardyń (jyltyraýyq temir, qarmaq, jerlıtsalar, spınnıngter) bir balyq aýlaýshyǵa 5 danadan aspaıtyn ilgekti qarmaqtarmen júrgiziledi.
14. Balyq aýlaýshy osy Qaǵıdalardyń 2-qosymshasyna sáıkes kesteniń tıisti baǵandaryn toltyryp, joldamaǵa aýlanǵan balyqtyń mólsheri men túrleri týraly málimetter engizedi.
15. Balyq aýlaýshynyń aýlanǵan balyǵy baqylaý pýnktinde qoryqtyń memlekettik ınspektoryna kórsetiledi, ol joldamaǵa engizilgen málimetterdiń durystyǵyn tekserip, qol qoıý arqyly kýálandyrady. Bul belgi aýlanǵan balyqty tasyp áketýge nemese alyp ketýge negiz bolyp tabylady.

Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshinruqsat etiletin áýesqoılyq (sporttyq) balyq aýlaý qaǵıdalaryna 1-qosymsha

Marqakól memlekettik tabıǵı qoryǵynyń kúzetý aımaǵynda turatyn jergilikti halyqtyń muqtajy úshin ruqsat etiletin áýesqoılyq (sporttyq) balyq aýlaýdy júzege asyrý úshin  Marqakól memlekettik tabıǵı qoryǵynyń aýmaǵynda  Marqakól kóliniń arnaıy bólingen ýchaskeleriniń tizbesi

№ 1 ýchaske. Alańy 615 ga. Marqakól kóliniń Ýrýnhaıka selosyna janasyp jatqan soltústik-shyǵys bóliginde ornalasqan. № 1 ýchaskeniń shekarasy shyǵys jáne ońtústik jaǵynan kóldiń jaǵalaý jıegimen ótedi, batys shekarasy Tıhýshka ózeni saǵasy (ońtústik-shyǵys jaǵalaý) men «Vtoroı mys» (soltústik-shyǵys jaǵalaý) aralyǵyndaǵy kól aıdynynda ornalasqan. Kóldiń jaǵalaý jıegine qatysty № 1 ýchaskeniń batys shekarasy kól aıdynynda 900 metrden 1500 metrge deıingi qashyqtyqta ótedi.
2. № 2 ýchaske. Alańy 150 ga. Marqakól kóliniń Matabaı aýylymen janasyp jatqan ońtústik-batys bóliginde ornalasqan. № 2 ýchaskeniń shekarasy ońtústiginde Marqakól kóliniń jaǵalaý jıegi arqyly ótedi. Batysynda ýchaske Matabaı ózeniniń saǵasymen, shyǵysynda Pervyı Klıých ózeniniń saǵasymen shekteledi. Soltústik shekarasy kól aıdyny sheginde ornalasqan, shyǵys jaǵynan 400 metr jáne batys jaǵynan jaǵalaý jıeginen 1500 metr qashyqtyqta ornalasqan.
3. № 3 ýchaske. Alańy 85 ga. № 3 ýchaske Tómengi Elovka selosyna japsarlas kóldiń soltústik bóliginde ornalasqan. Soltústiginde shekarasy kóldiń jaǵalaý jıegi arqyly ótedi, batysynda ýchaske Kókterek ózeniniń saǵasymen, shyǵysynda Elovka ózeni saǵasymen shektesedi. Ońtústik shekarasy kól aıdyny sheginde jaǵalaý jıeginen kóldi boılaı 600 metr qashyqtyqta ornalasqan.
4. № 4 ýchaske. Alańy 30 ga. Marqakól kóliniń Joǵarǵy Elovka aýylyna janasyp jatqan soltústik bóliginde ornalasqan. № 4 ýchaske shekarasy soltústiginde kóldiń jaǵalaý jıegimen ótedi, batysynda ýchaske Birinshi Pıhtovaıa ózeni saǵasymen jáne shyǵysynda Sońǵy Pıhtovaıa ózeni saǵasymen shektesedi. Ońtústik shekarasy kól aıdyny sheginde jáne jaǵalaý jıeginen kóldi boılaı 500 metr qashyqtyqta ornalasqan.

Marqakól memlekettik tabıǵı qoryǵynyń kúzetý aımaǵynda turatyn jergilikti turǵyndardyń muqtajy úshin ruqsat etiletin áýesqoılyq (sporttyq) balyq aýlaý qaǵıdalaryna 2-qosymsha

Qaýlynyń tolyq mátini búgin respýblıkalyq BAQ-ta jarııalandy.