Mark Shagaldyń belgisiz «Revolıýtsııa» kartınasy satylýǵa qoıyldy
ASTANA. Sáýirdiń 23-i. QazAqparat - Áıgili sýretshi Mark Shagaldyń bul, buryn esh jerde qoıylmaǵan, «Revolıýtsııa» kartınasy Bonhams aýktsıonynda ımpressıonızm jáne modernızm úlgisindegi polotnolar saýdasyndaǵy top-lotqa (úzdik satý danasy) aınalmaq. Saýda Londonda, maýsymnyń 22-sinde ótedi.
Óte kólemdi polotnosynda Shagal 1917 jyly ózi kýá bolǵan reseılik oqıǵalardy zerdelegen. Kartınada revolıýtsııa áskerleri de, toǵyshar turǵyndar da kórinis tapqan. Týyndyda Shagaldyń «fırmalyq belgileri»: erli-zaıypty men eshki beınesi de bar.
Alǵashynda «Revolıýtsııa» 1937 jyly salynǵan dep eseptelgen-di, alaıda parıjdik Shagal Komıteti ǵylymı izdenisteri nátıjesinde sýretshi kartınasyn 1968 jyly beınelegen degen tujyrymǵa kelip otyr. Keıipkerleri keskinine, boıaýlar naqyshyena jáne jalpy kompozıtsııasyna qarap, bul eńbek Shagaldyń sol kezeńdegi basqa da kartınalarymen, máselen «Soǵys» (1966) týyndysymen uqsas eken.
Shagal bul týyndysyn erekshe jaqsy kórgen jáne ony frantsýzdyq San-Pol-de-Vanse qalasynda, 1985 jyly ómirden ótkeninshe úıinde saqtapty. Shagal Komıtetiniń málimdeýinshe, sýretshi «Revolıýtsııasyn» óz óneriniń eń qundy dúnıesi dep sanaǵan.
