Mark Karnı Kanadanyń premer-mınıstrligine kandıdatýrasyn jarııalady

ASTANA. KAZINFORM – Anglııa bankiniń burynǵy basshysy Mark Karnı Djastın Trıýdonyń ornyna bıliktegi Lıberaldyq partııanyń kóshbasshysy bolý úshin saılaýǵa túsetinin resmı túrde málimdedi, dep habarlaıdy BBC. 

59 jastaǵy Karnı jeńiske jetken jaǵdaıda ol partııany basqaryp qana qoımaı, bıylǵy saılaýǵa deıin Kanadanyń premer-mınıstri bolady. 

Mark Karnı – kanadalyq azamat jáne kórnekti ekonomıst. Ol 2008-2013 jyldary jahandyq qarjylyq daǵdarystan keıingi jyldary Kanada bankiniń tóraǵasy, sodan keıin 2013-2020 jyldary Anglııa bankiniń tóraǵasy boldy. 

– Men kóptegen daǵdarystardy sheshýge jáne eki ekonomıkany saqtap qalýǵa qatystym. Bıznestiń qalaı jumys isteıtinin jáne ony siz úshin qalaı jasaýǵa bolatynyn bilemin, - dedi Karnı beısenbide óziniń týǵan qalasy Edmontonda kandıdatýrasyn jarııalaǵan kezde.

Eske sala ketsek, 6 qańtarda Kanada premer-mınıstri Djastın Trıýdo otstavkaǵa ketetinin jarııalady. 

Buǵan deıin jazǵanymyzdaı, Tramp Kanadany 51-shi shtat etip qalyptastyrý ıdeıasyn alǵa tartyp otyr.