Mark Dakaskos Óskemende túsken sýretterin áleýmettik jelige saldy
«Qazaqstannan sálem. Buryn Qazaqstanda birneshe ret bolǵanmyn, bul eldi jáne halqyn jaqsy kóremin. Óskemenge alǵash kelip turmyn, sol úshin sekirip alýym kerek boldy», dep jazdy tanymal akter Instagramdaǵy paraqshasynda.
Sonymen birge ol heshtegke rızashylyq, mádenıet, tarıh, dostyq degen sózderdi belgiledi.
Taǵy bir sýretine ol «Aloha! (Gavaı sózi, sálem, hosh keldiń, saý bol degendi bildiredi nemese qýanysh jáne beıbitshilikti tileıtin maǵyna beredi - avt.) Bir ǵana ǵımaratqa aparatyn birneshe esik... beıbit, meımandos jáne shabyt syılaıtyn Qazaqstan, Óskemen», degen jazba qaldyrǵan.
Mark Dakaskos shańǵy teýip júrgen sátiniń sýretin de jarııalady.
«Men Almaty dep atalatyn qysqy ertegi áleminde júrmin...» dep jazǵan ol oǵan Qazaqstan, qardy jaqsy kóremin dep heshteg qosty.
Golıvýdtyń áıgili fılmderinde bas rólderdi somdaǵan Mark Dakaskos «Kóshpendiler» fılminde de oınaǵan.
Esterińizge sala keteıik, osy aptada ShQO ákimi Danıal Ahmetovtiń shaqyrýymen Óskemenge Gollıvýd akterleri Kerı Tagava, Maıkl Medsen, Baı Lın, Mark Dakaskos jáne Erık Roberts kelgen bolatyn.
Álemdik deńgeıdegi akterler Shyǵys Qazaqstan týraly derekti fılmge túspek.