Mark Tsýkerberg jańa týǵan qyzymen túsken alǵashqy fotosyn jarııalady
ASTANA. QazAqparat - Facebook áleýmettik jelisiniń negizin qalaýshy Mark Tsýkerberg jańa týǵan qyzymen túsken alǵashqy fotosyn jarııalady. Otbasylyq portretin ol "Feısbýktegi" óziniń paraqshasynda jarııalady.
Kishkentaı Maks 2 jeltoqsanda dúnıege kelip, Jelidegi eń tanymal jańa týǵan sábıge aınaldy. Onyń ákesimen birgen túsken sýreti shamamen úsh mıllıon laık jıdy.
Tsýkerberg sýrettiń astyna "Qyzym Makspen ótkizgen baqytqa toly sát" dep jazdy.
Osyǵan deıin Tsýkerberg qyzyna arnalǵan ashyq hat jarııalaǵan. Onda óz aktsııalarynan bas tartýǵa daıyn ekenin málim etti. Munda "Feısbýktiń" negizin qalaýshy men onyń áıeli Prıstsılla Chan kompanııa aktsııalaryn qaıyrymdylyqqa beretini jaıly jazylǵan.
