Mark Tsýkerberg pen Ilon Masktiń jekpe-jegi qashan ótedi
ASTANA. QazAqparat - «Meta» kompanııasynyń basshysy Mark Tsýkerberg X (buǵan deıin Twitter) áleýmettik jelisiniń ıegeri Ilon Maskpen aıqasýǵa daıyn ekenin málimdedi. «Armenpress» málimetinshe, jekpe-jekti 26 tamyzda ótkizýdi usynǵan, dep habarlaıdy QazAqparat.
«Men búgin de daıynmyn. Oǵan 26 tamyzda ótkizýdi usyndym, alaıda ol áli naqtylamady», - dep jazdy Tsýkerberg Threads áleýmettik jelisinde. Ol aıqastyń ózi usynǵan kúni ótetinine kúmándanady.
Tsýkerberg Masktyń aıqasqa jattyǵyp jatqany týraly jazbasyn da atap ótti. Mask 6 tamyzda Tsýkerbergpen jekpe-jegi X tikeleı efırinde kórsetiletinin, odan túsken qarajat ardagerlerge arnalǵan qaıyrymdylyqqa jumsalatynyn jazǵan.
Tsýkerbergtiń X áleýmettik jelisimen básekelesetin Threads platformasyn ashýy eki mıllıarderdiń arasynda kelispeýshilik týdyrǵan. Sońǵy ýaqytta Mask pen Tsýkerbergtiń aralas jekpe-jek boıynsha aıqasy keńinen talqylanyp keledi. Absolıýtti saıysker chempıonatynyń prezıdenti Deına Ýaıt aıqas ótedi dep esepteıdi jáne ol eń kóp qaralym jınamaq.
Eske salaıyq, buǵan deıin Ilon Mask Mark Tsýkerbergke qarsy jekpe-jekke qyzý daıyndyq júrgizip jatqanyn habarlaǵan edik.
Qos mıllıarderdiń oktagonda jekpe-jek ótkizýine qatysty ıdeıasy 20 maýsymda týyndaǵan. Italııa úkimeti aıqasty Rım Kolızeıinde uıymdastyrý úshin Mark Tsýkerbergpen baılanysqa shyqqan.
