Mark Tsýkerberg: Oculus Rift bolashaqta kompıýterdiń ornyna qoldanylatyn bolady
ASTANA. QazAqparat - Kompıýterlik oıynǵa arnalǵan kózildiriktiń satylymǵa shyǵý ýaqyty ázirge belgisiz. Onyń tipti tolyq tehnıkalyq minezdemesine qatysty aqparattar da jarııalanǵan joq. Degenmen, endi Oculus VR kompanııasyn óz enshisine alyp alǵan Facebook basshysy Mark Tsýkerberg atalǵan tehnologııanyń bolashaǵyna úlken senim artatynyn jasyrmady, dep jazady massaget.kz.
Gamasutra portalynyń tilshileri Markpen bolǵan suqbatta Oculus Rift vırtýaldy kózildirigi men onyń bolashaǵy týraly pikirin bilýge tyrysty. Ol jańa qurylǵyǵa qatysty bylaı dedi:
«Ár 10-15 jyl ótkende jańa kompıýterlik platforma jasalynyp jatyr. Vırtýaldy shyndyq pen tolyqqandy shynaıy kórinis Oculus Rift platformasynyń basty ereksheligi bolmaq. Bul joba bizden tereń jumys pen ýaqytty talap etedi. Al ony tolyq kólemde jasap shyǵarý úshin qarjyny bóle berýden taıynbaımyz. Tek osylaı ǵana biz bolashaqqa daıyndala alamyz».
Mark Tsýkerbergtiń «bolashaqta» deı otyra, onyń shamalaǵan ýaqyt mólsheri kelesi on jyl bolmaǵyn meńzeıdi. Sol jylda Oculus Rift vırtýaldy kózildiriginiń jyldyq taralymy kem degende 50-100 mıllıon dana bolady. Sebebi vırtýaldy kórsetilimmen qamtamasyz etetin kózildiriktiń bolashaqta kompıýterlerdiń ornyn basatynyna Facebook basshysy senimmen qarap otyr.
«Aldaǵy on jylda biz aldymen jeke tutynýshylarymyzdy jınap alýymyz úshin qurylǵynyń birinshi nusqasyn shyǵaratyn bolamyz. Al sosyn Oculus Rift týraly qoǵamda pikir qalyptasqannan keıin, aýqymdy bızneske aınala alatyn ekojúıege kóshetin bolamyz», - deıdi Tsýkerberg óz suqbatynyń barysynda.
Jańa tehnologııalyq devaıs pen Facebook áleýmettik jelisiniń ortaq múmkindikteri týraly esh naqty aqparat aıtyla qoımaǵanymen, oqyrman bul eki jobanyń arasynda mindetti túrde baılanys bolatynyn paıymdasa kerek. Sebebi Oculus Rift vırtýaldy shynaıylyqtaǵy qarym-qatynastyń gadjetine aınalýy da múmkin.
Esterińizge sala keteıik, Facebook kompanııasy Oculus VR startap tehnologııasyn aǵymdaǵy jyldyń naýryz aıynda $2 mıllıard AQSh dollaryna satyp alǵan bolatyn. Endi Mark Internet.org (ǵalamtor jelisi) pen Oculus Rift maqsattaryn biriktirýdi josparlap jatyr.
