Mark Tsýkerberg kompıýterindegi veb-kamerany qaǵazben jaýyp qoıǵan
ASTANA. QazAqparat - Facebook áleýmettik jelisin jasaǵan Mark Tsýkerberg áleýmettik jelide sýretimen bólisti, onda onyń MacBook Pro kompıýteriniń mıkrofony men veb-kamerasyna qaǵaz japsyrylǵan. Bul týraly Bı-Bı-Sı agenttigi habarlady.
Kompanııa ókilderi sýretke qatysty túsinikteme bermedi. Sýretke berilgen jazbada áleýmettik jeliniń negizin salýshy «Instagramda» aı saıyn 500 mln paıdalanýshy bar ekendigin jetkizgen.
Taıaýda AQSh-tyń FTB dırektory Djeıms Komı óziniń noýtbýgindegi veb-kameranyń betine qaǵaz japsyryp qoıatyndyǵyn, bul hakerler ańdymaýy úshin qajet ekendigin atap ótken edi.
Aqparattyq qaýipsizdik salasynda ónim shyǵaratyn Symantec kompanııasy ǵalamtor paıdalanýshylarynan veb-kamerasy bar kompıýterdi jatyn bólmede ustamaýyn, sondaı-aq «kompıýter aldynda búkil jurt kórýin qalamaıtyn áreket jasamaýyn» suraǵan bolatyn.
