Mark Tsýkerberg Facebook tóraǵalyǵynan kete me

NUR-SULTAN. QazAqparat - Mark Tsýkerbergtiń Feısbýk tóraǵalyǵynan ketýin talap etýge qatysty daýys berý kompanııanyń jyl saıynǵy jınalysynda ótýi múmkin, dep jazady VVS basylymy.

Mark Tsýkerberg Facebook atqarýshy dırektory jáne dırektorlar keńesiniń tóraǵasy qyzmetin qatar atqaryp keledi. Daýys berýshiler tóraǵalyqtan ketý Mark Tsýkerbergke kompanııany basqarýǵa kóbirek kóńil bólýge kómektesetinin aıtty. Degenmen qazirdiń ózinde dırektorlar keńesiniń 60%-y Mark Tsýkerbergti qoldap otyr.

Feısbýkte 7 mln dollar aktsııasy bar Trillium Asset Management kompanııasynyń vıtse prezıdenti Djonas Kronnyń aıtýynsha, Mark Tsýkerbergtiń álemdegi eń iri kompanııadaǵy eki laýazymdy qyzmetti qatar alyp otyrýy durys emes.

«Bul ońaı emes ekenin túsinemin. Degenmen, oǵan da, aktsıonerlerge de paıda ákeletin qadam osy bolmaq», - deıdi ol.

Sonymen qatar mamyr aıynyń basynda Facebook kompanııasynyń qaýipsizdik qyzmet basshysy bolǵan Aleks Stamos ta Tsýkerbergtiń atqarýshy dırektor qyzmetinen ketýin talap etken bolatyn. Kanadada ótken konferentsııada ol Tsýkerbertiń qolyna tym kóp bılik berilgenin aıtqan edi.