Mark Tsýkerberg bir jyl ishinde 20 mlrd dollarǵa jýyq dáýletinen aıyryldy
LONDON. QazAqparat - Bıylǵy jyl Mark Tsýkerbergke aýyr tıdi. Blýmberg agenttiginiń dereginshe, ol jyl basynan beri 19,9 mlrd dollar qarajatyn joǵaltqan, dep xabarlaıdy SNBC.
Qazirgi tańda onyń dáýleti 52,9 mıllıard dollardy qurap otyr. Tsýkerberg Blýmberg nusqasy boıynsha Mıllıarderler reıtıngindegi eń baı adamdar tiziminde (Boomberg's Billionaires Index) jetinshi orynda tur.
Blýmbergtiń statıstıkalyq derekteri boıynsha, Tsýkerbergtiń dáýleti jyl basynda 72.8 mıllıard dollar bolǵan, ol jyl basynan beri sonyń 27.3% joǵaltqan.
Tsýkerberg 20 mıllıard dollarynan aıyrylǵan, bul qarjy Tesla bas dırektory Ilon Masktyń dáýletimen birdeı (Blýmberg deregi boıynsha, onyń baılyǵy - 23.4 mıllıard dollar).
2018 jyldyń 25 shildesinde Tsýkerbergtiń dáýleti 86,5 mıllıardqa jetken bolatyn.
Qazirgi tańda osy jyldy shyǵynmen aıaqtap jatqan mıllıarderler az emes. Mysaly, 20 jeltoqsanda Bıll Geıtstiń qarjysy 1.6 mıllıard dollarǵa qysqarǵan.
