Mark Tsýkerberg bir kúnde 17 mlrd dollarǵa jýyq qarjysynan aıyryldy
ASTANA. QazAqparat - Facebook áleýmettik jelisiniń negizin qalaýshy Mark Tsýkerberg Facebook Inc kompanııasynyń aktsııalary kúrt tómendeýi saldarynan 16,8 mlrd AQSh dollary mólsherinde zııan shekti. Bul týraly beısenbiniń tańynda Bloomberg agenttigi habarlady.
Feısbýk aktsııalary buryn-sońdy bulaı quldyrap kórgen emes. Nıý-Iorkte sársenbi kúngi saýdalardyń qorytyndylaryna oraı, jeliniń aktsııalary 20 paıyzǵa arzandaǵan.
Kalıfornııada ornalasqan Menlo Park kompanııasy ókilderiniń málimdeýinshe, ekinshi toqsandaǵy tabys sarapshylardyń boljamynan birshama az bolyp, 13 mlrd dollardy quraǵan. Budan tys, paıdalanýshylardyń bir táýlikte Feısbýkke kirý kórsetkishi de boljamnan tómen bolǵan.
Bloomberg agenttigi, eger beısenbi kúngi saýda-sattyqta Facebook Inc aktsııalarynyń baǵasy kóterilmese, Tsýkerberg álemdegi eń baı adamdar tizimindegi úshinshi ornynan aıyrylyp, altynshy satyǵa syrǵıtynyn joramaldap otyr.
