Marııa Sharapova jaraqatyna baılanysty Torontoda ótetin týrnırge qatysýdan bas tartty
ASTANA. QazAqparat - Reseılik tennısshi Marııa Sharapova jaraqatyna baılanysty kanadalyq Torontoda ótip jatqan Áıelder tennıs qaýymdastyǵynyń týrnırine qatysýdan bas tartty.
Bul týraly týrnırdiń baspasóz qyzmeti habarlady.
Torontoda týrnırde ekinshi nómirmen shyqqan, álemdik reıtıngte ekinshi orynda turǵan Sharapova oń aıaǵyn jaraqattap aldy. Onyń ornyna ekinshi nómirmen rýmyndyq Sımon Halep shyǵatyn boldy.
Torontodaǵy júlde qory $2,3 mln dollar bolatyn týrnır 10-16 tamyz aralyǵynda ótedi.
