Marııa Sharapova: Zarına Dııas kez kelgen qarsylasyn súrindirýge qaýqarly
ASTANA. QazAqparat - Álemniń ekinshi raketkasy, Reseı tennısshisi Marııa Sharapova Australian Open-niń úshinshi aınalymynda otandasymyz Zarına Dııaspen bolǵan oıynǵa qatysty óz pikirin bildirip, sportshyǵa baǵa berdi. Bul týraly sports.kz. saıty jazdy.
«Keshe tamasha jattyqtym, sondyqtan búgingi aıqastyń aldynda ózimdi jaqsy sezindim. Kezdesýdiń basynda oıynǵa zeıin saldym, bul maǵan jeńiske jetýge kómektesti», - dep atap ótti Marııa.
«Dııastyń kez kelgen qarsylasyna qıyndyq týdyrta alatynyn bildim. Biraq, búgin bul onyń qolynan kelmedi. Oǵan ýaqyt berilse, tamasha jetistikterge qol jetkize alady», - dedi Marııa Sharapova.
