Marııa Sharapova qarsylastaryn shoshytyp júr
ASTANA. QazAqparat - Álemniń úshinshi raketkasy, ıspanııalyq tennısshi Garbıne Mýgýrýsa reseılik Marııa Sharapovanyń oıyn barysyndaǵy aıqaıy korttaǵy qarsylastaryn qorqytýǵa arnalǵan qural retinde áreket etetinin aıtty, dep habarlady Lenta.Ru International Business Times-ke silteme jasap.
"Keıde Sharapovanyń qatty aıqaılaǵany sonshalyq, tipti dop qatty ushyp kele jatqandaı kórinedi. Ol muny kóp jaǵdaıda qarsylastaryn qorqytý úshin paıdalanady", - dedi ıspanııalyq tennısshi.
Mýgýrýsa reseıliktiń aıqaıy onyń nazaryn bóletinin aıtty. "Men de keıde aıqaılaımyn, alaıda Marııa sııaqty qatty emes", - dep atap ótti ol. Sharapova ıspanııalyqpen kezdesýdiń úsheýinde de jeńiske jetkeni atalyp ótildi. 22 jastaǵy Mýgýrýsa 2015 jyldyń maýsymyn Áıelder tennıs qaýymdastyǵynyń (WTA) reıtınginde úshinshi orynda. Sharapova tórtinshi orynǵa tústi.
