Marııa Sharapova dopıng úshin eki jylǵa jarystardan shettetildi
ASTANA. QazAqparat - Reseılik tennısshi Marııa Sharapova dopıngige qarsy erejeni buzǵany úshin eki jylǵa jarystardan shettetildi. Bul týraly Halyqaralyq tenıs federatsııasynyń (ITF) resmı saıtynda habarlandy.
Naýryz aıynyń basynda Sharapova 2016 jylǵy Avstralııa ashyq chempıonaty kezinde alynǵan dopıng-synamasynan meldonıı tabylǵanyn habarlady. Ol 2016 jyldyń 1 qańtarynan Búkilálemdik dopıngige qarsy agenttik tyıym salynǵan zatqa jatady. Reseılik aldyn ala 12 naýryzǵa deıin jarystardan shettetilgen bolatyn, dep jazady TASS.
.«ITF táýelsiz trıbýnaly Sharapova dopıngige qarsy erejeleri buzǵanyn anyqtady, ol 2016 jylǵy 26 qańtardan bastap eki jylǵa biliktiliginen aıyryldy», - delingen habarlamada. Sóıtip, 2018 jylǵy 25 qańtar reseılik tennısshiniń biliktiliginen aıyrylýynyń sońǵy kúni bolmaq.
18-19 mamyr kúnderi eki kúndik tyńdaýlar ótti, ITF táýelsiz trıbýnaly eki taraptyń da dálelderin aldy jáne zańdyq dáıekterin tyńdady, qorytyndysynda bul is boıynsha sheshim qabyldady. Sharapovanyń Astralııa ashyq chempıonatyndaǵy nátıjeleri (sportshy shırek fınalda amerıkandyq Serena Ýılıamstan utyldy - TASS-tyń eskertpesi) joıylady. Tennısshi týrnırde tapqan júldelik qarajattardy qaıtarýy tıis, odan reıtıngilik upaılar da alynyp tastalady. ІTǴ reglamenti boıynsha, Sharapovada sheshimdi daýlaýǵa 21 kúni bar.
Sportshy Lozannadaǵy Sporttyq tórelik sotynda ІTǴ sheshimine shaǵymdanbaq.
29 jastaǵy Sharapova «Úlken dýlyǵa» serııasy týrnırleriniń bes márte jeńimpazy, onyń esebinde Federatsııa Kýbogyndaǵy jeńis jáne Londondaǵy olımpıadalyq oıyndardyń kúmis medali bar. Jalpy alǵanda, sportshy Áıelder tennıs qaýymdastyǵynyń 38 týrnırinde jeńiske jetti.
