Marııa Sevostıanova taekvondodan Azııa chempıonatynda altyn medal jeńip aldy

ASTANA. KAZINFORM - Qytaıdyń Ýsı qalasynda taekvondodan klýbtar arasyndaǵy ashyq Azııa chempıonaty bastaldy, dep habarlaıdy Ulttyq olımpıadalyq komıtettiń baspasóz qyzmeti.

Jarystyń alǵashqy kúninde qazaqstandyq sportshylar bir altyn, bir kúmis jáne úsh qola medal jeńip aldy.

57 kelige deıingi salmaqta Marııa Sevostıanova chempıon atandy. 87 keliden joǵary salmaqta Beıbarys Qablan kúmis medal ıelendi.

Altaır Ómirbekov (74 kelige deıin), Batyrhan Tóleýǵalı (80 kelige deıin) jáne Nodıra Ahmedova (49 kelige deıin) qola júldeger atandy.

Klýbtar arasyndaǵy Azııa chempıonatyna 14 elden 219 sportshy qatysyp jatyr.

Osyǵan deıin Shymkent qalasynda 1-5 mamyr aralyǵynda taekvondodan (WT) jastar arasynda Qazaqstan Respýblıkasynyń chempıonaty ótetini týraly jazdyq.