Marııa Mýdrıak tuńǵysh ret «Astana Opera» sahnasynda óner kórsetedi
ASTANA. QazAqparat - Marııa Mýdrıak tuńǵysh ret «Astana Opera» sahnasynda óner kórsetedi. Bul týraly opera ánshisi óziniń Feısbýktegi paraqshasynda habarlady.
«Armandar oryndalady!!! 15 jeltoqsanda alǵash ret otanymda Astana-Opera sahnasynda shyrqaımyn!!!», - dep jazady M.Mýdrıak.
Nebári 5 jasynda Marııa lazerlik dıskisin jaryqqa shyǵaryp, álemniń eń jas opera ánshisi retinde Gınnes rekord kitabyna engen bolatyn.
On segiz jasynda Mılan konservatorııasyn úzdik aıaqtaǵan Marııa qazirde La Skala teatry janyndaǵy mýzyka Akademııasynda oqýyn jalǵastyryp jatyr.
Ónerimen álemdi moıyndatqan qyz operanyń otany Italııada álemdik juldyzdarmen ıyq tiresip, óner kórsetkeni óz aldyna, basty rolderdi oryndaýǵa da múmkindik alyp otyr. Marııa - shetelde «Bolashaq» stıpendııasy arqyly oqyǵan daryndy jastardyń biri. Djýzeppe Verdı atyndaǵy Mılan memlekettik konservatorııasyn támamdap, Italııanyń eń úzdik jas ánshisi ataǵyna ıe boldy.
Qazirde ol «Fıgaronyń úılený toıy», «Bogema», «Romeo men Djýletta» syndy operalarda basty rólderdi somdap keledi.
