Marııa Mýdrıak Qytaıdaǵy gastroldik týryn aıaqtady

ASTANA. KAZINFORM — Qazaqstandyq opera ánshisi Marııa Mýdrıak Qytaıdaǵy gastroldik týryn aıaqtady. Kontsertter basty opera sahnalarynda – Beıjińdegi Ulttyq óner ortalyǵynda jáne Sıan qalasyndaǵy Grand Opera House sahnasynda ótti. Bul týraly QR Mádenıet jáne aqparat mınıstrliginiń baspasóz qyzmeti málim etti.

– Bul – ánshiniń Qytaıdaǵy besinshi gastroli. Ónerpaz Motsarttyń «Fıgaronyń úılenýi» operasyndaǵy grafınıa Almavıva partııasyn alǵash ret oryndady. Buǵan deıin ol osy qoıylymdaǵy Sıýzanna partııasyn shyrqasa, al bıyl alǵash ret kórermenge grafınıa obrazynda shyqty. Bul keıipkerdiń tereń ári qarama-qaıshy sezimderi spektaklge erekshe dramalyq áser men emotsııalyq tereńdik berdi, - dep jazdy mınıstrlikten.

Marııa Mýdrıak Qazaqstanda dúnıege kelgen. Ol bala kezinen-aq án aıtýǵa qyzyǵyp, 10 jasynan bastap Italııada vokaldan dáris alǵan. Sol jerde «La Skala» teatrynyń balalar horynda shyǵarmashylyq jolyn bastap, keıin Mılandaǵy Dj. Verdı atyndaǵy konservatorııany támamdady. 

Qazir ol álemniń jetekshi opera sahnalarynda óner kórsetip júr jáne álemdegi eń úzdik on sopranonyń biri sanalady.

Ánshiniń kelesi kontserti bıyl qazanda Italııada, Iezı qalasyndaǵy Pergolezı teatrynda ótedi. Ol onda «Don Jýan» operasyndaǵy Donna Anna partııasyn oryndaıdy. Osylaısha, Marııa Mýdrıak Motsarttyń operalyq trılogııasyndaǵy úsh basty áıel rólin tolyqtaı sahnalaıtyn bolady.

Eske sala keteıik, buǵan deıin Prezıdent Marııa Mýdrıak pen Imanbektiń ónerin úlgi etken edi.