Marııa Hadjıeva saqtandyrý sektoryn damytýǵa yqpal etken faktorlardy atady
ASTANA. KAZINFORM — 2024 jyly saqtandyrý uıymdarynyń jıyntyq aktıvteri 3,2 trln teńgege jetti. Bul týraly Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva aıtty.
— Damyǵan elderde saqtandyrý sektorynyń aktıvteri JІÓ-niń ortasha eseppen 7-8 paıyzyn quraıdy. Bul onyń ekonomıkaǵa joǵary dárejede ıntegratsııalanǵanyn kórsetedi. Qazaqstanda bul kórsetkish áli de aıtarlyqtaı tómen. Ótken jyldyń qorytyndysy boıynsha ol JІÓ-niń 2,4 paıyzyn ǵana qurady. Degenmen, sońǵy jyldary saqtandyrý naryǵynyń negizgi kórsetkishterinde oń dınamıka baıqalady. 2024 jyly saqtandyrý uıymdarynyń jıyntyq aktıvteri 3,2 trln teńgege jetip, ótken jylmen salystyrǵanda 25 paıyzǵa ósti. Sońǵy bes jylda bul kórsetkish 2,5 esege artty, — dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, ótken jylǵy saqtandyrý syılyqaqylarynyń kólemi 1 507 mlrd teńge. Bul bir jyl burynǵydan 51 paıyzǵa kóp. Bes jyldyq kezeńde syılyqaqylar úsh esege artty. 2024 jylǵy saqtandyrý tólemderi 22 paıyzǵa ósip, 334 mlrd teńgege jetti. Bes jyl ishinde tólemder kólemi 2,3 esege ulǵaıdy.
— Salany damytýǵa yqpal etetin negizgi faktorlardyń qatarynda erikti saqtandyrý ónimderiniń jelisin keńeıtý, mindetti saqtandyrý túrleri boıynsha qoljetimdilikti arttyrý jáne sharttardy jaqsartý, tsıfrlandyrýdy damytý, saqtandyrý salasynyń ınfraqurylymyn nyǵaıtý bar. Bul faktorlar qazirgi ekonomıkalyq jaǵdaıda saqtandyrý naryǵynyń negizgi ósý núktelerine aınalady, — dedi Marııa Hadjıeva.
Aıta ketelik adamdar jappaı jınalatyn obektilerdi saqtandyrý júıesi engizilip jatyr.