Marııa Dmıtrıenko Azııa oıyndarynyń qola júldesin oljalady
Stend atý boıynsha Qazaqstan komandasynyń ókili Marııa Dmıtrıenko Hanchjoýda (QHR) ótip jatqan Azııa oıyndarynda úshinshi oryn ıelendi. Bul týraly QazAqparat Olympic.kz saıtyna silteme jasap habarlaıdy.
Ol trap sanatynda 34 upaı jınap, «qola» oljalady.
Qytaı ókili Sıntsıý Chjan 47 upaımen jeńimpaz atandy. Osy nátıjesi arqyly ol Azııa óńiriniń jáne Azııa oıyndarynyń rekordyn ornatty. Ekinshi satyǵa 43 upaı jınaǵan Tsýıtsýı Vý kóterildi.
Osy sanatta Qazaqstannyń taǵy bir ókili Aıjan Dosmaǵambetova 27 upaımen tórtinshi boldy.
Sondaı-aq aıta keteıik, Azııa oıyndarynda qazaqstandyq boksshy Natalıa Bogdanova 66 kelige deıingi salmaq dárejesiniń shırek fınalynda Mońǵolııa ókili Tsetsegdarı Mıagmarsýrenmen judyryqtasyp, tóreshilerdiń biraýyz sheshimimen jeńiske jetti.
Osylaısha Bogdanova qurlyq birinshiliginiń jartylaı fınalyna shyǵyp, ózin keminde qola júldemen qamtamasyz etti. Buǵan deıin týrnır kezinde Qazaqstan sportshysy Saýd Arabııa ókili Ragad Ibragım Al-Naımıdi merziminen buryn jeńgen bolatyn.
