Marııa Brovkova baıdarka men kanoede eskek esýden álem chempıonatynda úzdik bestikke endi
ASTANA. KAZINFORM — Baıdarka men kanoede esýden Qazaqstan quramasynyń sportshysy Marııa Brovkova Polshanyń Poznan qalasynda ótip jatqan álem chempıonatynda úzdik bestikke endi.
Sportshy birlik-kanoede 500 metrlik qashyqtyqtyń fınalynda baq synady.
Marııa Brovkova qashyqtyqty 02:06.33 ýaqytta júzip ótip, qorytyndy esepte besinshi orynǵa turaqtady.
Altyn medal kanadalyq Sofııa Djensenge buıyrdy — 02:00.78. Vengrııalyq Agnes Anna Kıs márege ekinshi bolyp jetti — 02:02.80. Úzdik úshtikti Belarýs ókili Alena Nozdreva túıindedi — 02:04.80.
Aıta keteıik, búgin, 29 tamyzda Marııa Brovkova Ýlıana Kıselevamen birge ekilik-kanoede 200 metrge jarystyń fınalynda óner kórsetedi.
Eske salaıyq, buǵan deıin Sergeı Emelıanov birlik-kanoede 200 metrlik qashyqtyqta jetinshi oryn alǵan edi.
