Marııa Áýezovanyń Elbasy alyp bergen protezben júrgen sátiniń vıdeosy jarııalandy
NUR-SULTAN. QazAqparat – Paýerlıftıngten sport sheberi, alpınıst Marııa Áýezovanyń Elbasy alyp bergen protezben alǵashqy qadamyn jasaǵan sáti jarııalandy, dep habarlaıdy QazAqparat tilshisi.
Bul týraly Elbasynyń baspasóz hatshysy Aıdos Úkibaı Twitter- de jazdy.
«Nursultan Nazarbaev: Jaraısyń, Marııa! Sen jastarǵa úlgisiń!» dep bastalatyn vıdeoda Elbasynyń jigerli qyzǵa degen iltıpaty berilgen.
«Marııa eki aıaǵy da tizeden joǵary kesilgenine qaramastan, Everest shyńyna órmelegen. Elestetip kórińizshi! Jap-jas qyzdyń rýhy qandaı bıik, erik-jigeri qandaı?! Men oǵan qoldaý bildirjim. Jaraısyń, Marııa! Sen jastarǵa úlgisiń», - deıdi Tuńǵysh Prezıdent.
Buǵan deıin Elbasynyń paýerlıftıngten sport sheberi, alpınıst Marııa Áýezovamen kezdeskenin jazǵan bolatynbyz. https://kaz.inform.kz/news/elbasy-pauerliftingten-sport-sheberi-al-pinist-mariya-auezovamen-kezdesti_a3873924
Sáýir aıynda Marııa Áýezova alpınıster tobymen birge Everesteg bazalyq lagerge (5364 metr) jáne Kala-Pathar taýyna (5640 metr) órmelep shyqqan. Elbasy alpınıstiń erligine tánti bolyp, Qazaqstan halqy Assambleıasynyń 29-sessııasynda oǵan protez alýǵa kómektesýge ýáde bergen bolatyn. Nursultan Nazarbaev qorynyń qoldaýymen M.Áýezovaǵa bıonıkalyq protez alyndy jáne ol mamandardyń baqylaýymen beıimdelý kýrsynan ótti.
