Marıo Dragı eýropalyq ortalyq bankiniń basshysy qyzmetine bekitildi
BRıÝSSELЬ. 25 maýsym. QazAqparat /Dımash Syzdyqov/ - Osy jyldyń 23-24 maýsym kúnderi Eýroodaqqa múshe 27 eldiń memleket jáne úkimet basshylary sammıtiniń barysynda Italııa ortalyq bankiniń qazirgi jetekshisi Marıo Dragı kandıdatýrasyn 2011 jyldyń 1 qarashasynan bastap Eýropalyq ortalyq bankiniń jańa prezıdenti qyzmetine taǵaıyndaý týraly sheshim naqty maquldandy.
Bul týraly qorytyndy baspasóz máslıhaty barysynda Eýroodaq Keńesiniń prezıdenti Herman Van Rompeı málim etti.
«Biz barlyǵymyz Marıo Dragı myrza banktiń alǵashqy eki prezıdenti qalyptastyryp ketken dástúrdi jalǵastyra otyryp EOB basshylyǵy qyzmetin oıdaǵydaı júzege asyrady degenge senimdimiz», - dedi H. Rompeı.
Eýropalyq ortalyq bank 1998 jyly 1 maýsymda negizi qalanǵan. Shtab-páteri nemistiń Maındaǵy Frankfýrt qalasynda ornalasqan. Onyń shtatyna EO múshe barlyq memleketterdiń ókilderi kiredi. Bank Eýroodaqtyń basqa organdarynan tolyqtaı táýelsiz.
