Marına Zýeva Álem chempıonatynyń qola júldegeri atandy
ALMATY. 25 tamyz. QazAqparat - Bakýde áıelder kúresinen 23-24 tamyzda jasóspirimder arasynda ótken Álem chempıonatynda qazaqstandyq palýan qyzdar 1 kúmis, 2 qola medal ıelendi.
Onda jarystyń alǵashqy kúni el qorjynyna Svetlana Ankıcheva (38kg) kúmis, Irına Borısova (43kg) qola júlde salǵan bolatyn. Keshe Marına Zýeva (40 kg) da Álem chempıonatynyń qola júldegeri atandy. Al Madına Baqbergenova (52 kg) mońǵolııalyq Oıdýn-Erdene Edenbatarǵa, Irına Kazıýlına (60 kg) shvetsııalyq Tırısa lına Pırsonǵa utyldy. Gúlmaral Erkebaeva (70 kg) 1/8 fınalda úndistandyq Kevıtoı Kevıtany, shırek fınalda germanııalyq Frensı Reıdaltıdi utqanymen, jartylaı fınalda shvetsııalyq Moa Lena Marııa Nıgrenge ese jiberdi. Komandalyq esepte 66 upaımen Japonııa birinshi, 63,3 upaımen Reseı ekinshi, al 57 upaımen Ýkraına men Ázirbaıjan úshinshi oryn aldy.
Byltyr Býdapeshte ótken Álem chempıonatynda Qazaqstan quramasy 1 altyn, 1 qola oljalaǵan edi. Onda Ekaterına Larıonova (60 kg) Álem chempıony, al Svetlana Ankıcheva (38 kg) qola júldeger atanǵan bolatyn.
