Marına Volnova bokstan munaı elderi arasyndaǵy XI Álem kýbogynyń jeńimpazy atandy
ASTANA. 24 jeltoqsan. QazAqparat - Marına Volnova bokstan munaı elderi arasyndaǵy XI Álem kýbogynyń jeńimpazy atandy, dep habarlaıdy Qazaqstan boks qaýymdastyǵynyń baspasóz qyzmetinen.
Jarys 22 jeltoqsan kúni Hanty-Mansıısk qalasynda (Reseı) aıaqtaldy. Gúljaına Ýbbınııazova men Azat Mahmetov qola júldelerdi oljalady.
Marına Volnova, sonymen qatar, Sibirde munaıdy tuńǵysh ashqan Sotsıalıstik Eńbek eri Farman Qurban oǵly Salmanovty eske alýǵa arnalǵan osy halyqaralyq týrnırdiń úzdik boksshysy atandy.
Qazaqstan atynan týrnırdiń erler baǵdarlamasyna Azat Mahmetov (52 keli) jáne Januzaq Madııar (56 keli), áıelder baǵdarlamasyna - Sánııa Sultanqyzy (51 keli), Gúljaına Ýbbınııazova (60 keli), Álııa Ábdiraıymova (64 keli), Marına Volnova (75 keli) qatysty.
Bokstan munaı elderi arasyndaǵy Álem kýbogyna álemniń 14 elinen 120 sportshy qatysty.
