Marın Tomasovtyń úsh goly «Astanaǵa» jeńis syılady

ASTANA. KAZINFORM - Elordalyq «Astana» fýtbol klýby Qazaqstan Premer-lıgasynyń úshinshi týrynda taldyqorǵandyq «Jeńis» komandasynan basym tústi.

Kezdesý barysynda astanalyq klýb oıyn tizginin qolǵa alýǵa tyrysty. Komanda kapıtany Marın Tomasovtyń belsendiligi baıqalyp turdy. 37 jastaǵy horvatııalyq fýtbolshy qarsylas klýbtyń qorǵaýshylaryn jıi mazalady. 

Ol aldymen 13-mınýtta esep ashsa, odan keıin 45, 63-mınýtta mergendik tanytty. Osylaısha elordalyq klýb qarsylasynan 3:0 esebimen basym tústi.

Sondaı-aq búgin «Aqtóbe» syrt alańda «Atyraýdy» 4:0 esebimen tas-talqan etip jeńse, «Ulytaý» men «Jeńis» (Astana) 1:1 esebine qanaǵat bildirdi.

Birinshi kezeńnen keıin «Ordabasy» (Shymkent) men «Qyzyljar» ((Petropavl) 0:0 esebimen teń túsip jatyr.

Úshinshi týrdy «Tobyl» (Qostanaı) men «Elimaı» (Semeı) komandalary túıindeıdi.

Atalǵan týrdyń alǵashqy oıyn kúni, 29 naýryzda «Qaırat» syrt alańda túrkistandyq «Turandy» 2:1 esebimen tize búktirse, «Qaısar» (Qyzylorda) men «Oqjetpes» (Kókshetaý) 2:2 esebine qanaǵat bildirdi.