«Marıbor» - «Astana» matchynyń translıatsııasy kórsetilmeıtin boldy
ASTANA. QazAqparat - «Qazaqstan» teleradıokorporatsııasy men «Astana» FK birlesken málimdeme taratty.
«Budan buryn habarlanǵandaı, ÝEFA Chempıondar lıgasynyń 2 biliktilik raýndy «Marıbor» - «Astana» matchynyń tikeleı translıatsııasy ókinishke qaraı ótkizilmeıtinin habarlaımyz.
Slovenııanyń televıdenıesi matchtyń translıatsııasynan sebepterin túsindirmesten bas tartty. Ol týraly «Marıbor» fýtbol klýby habarlady. Budan buryn atalǵan translıatsııa «Qazaqstan» telearnasynda 14 shilde kúni saǵat 00.30-da, al kelesi kúni, ıaǵnı 15 shilde kúni eki ret qaıtalaýmen «Kazsport» telearnasynan kórsetiledi dep josparlanǵan bolatyn.
Qazirgi ýaqytta balama nusqany izdestirý jumystary júrgizilýde. Translıatsııa «Marıbor» klýbynyń saıtynda júrgizilýi múmkin. Bul týraly qosymsha habarlanatyn bolady», - dep jazylǵan málimdemede.
