Marıan Jýravleva Islam yntymaqtastyǵy oıyndarynyń altyn medalin jeńip aldy

ASTANA.KAZINFORM – Djıý-djıtsýdan Qazaqstan quramasynyń ókili Marıan Jýravleva Er-Rııadta (Saýd Arabııasy) ótip jatqan Islam yntymaqtastyǵy oıyndarynyń jeńimpazy atandy.

Qazaqstandyq sportshy 70 kelige deıingi salmaqta top jardy. QR UOK málimetinshe, bul salmaqta týrnır aınalmaly júıe boıynsha ótti. Jýravleva úsh kezdesýdiń úsheýinde de jeńiske jetti.

Ol marokkolyq ıAsmın Arbıbten, palestınalyq Danııa Ýbaıdtan jáne ırandyq Hastı Hammýdıden basym tústi.

Aıta keteıik, Elmıra Syzdyqova áıelder kúresinen Islam oıyndarynda úshinshi oryn aldy.

Qazaqstannyń erler quramasy semserlesýden Islam oıyndarynyń chempıony atandy.

Ramazan Kýsaınov Islam oıyndarynyń kúmis júldegeri boldy.

Djıý-djıtsý sheberi Aldııar Serik Islam oıyndarynyń jeńimpazy atandy.