Marıan shuńǵymasynyń túbinen balyq tabyldy (VIDEO)
ASTANA. QazAqparat - Ǵalymdar Marıan shuńǵymasynda zertteý júrgizýde. Bul joly zertteýshiler buǵan deıin eshkim kórmegen balyqty tapty, dep habarlaıdy National Geographic.
Okeanos Explorer kemesimen 20 sáýir - 10 shilde aralyǵynda kezekti ekspedıtsııa júrgizilýde.
Maqsat - muhıttyń eń tereń jerin zertteý. Onyń túbindegi sýdyń qysymy 108,6 MPa, ol álemdik muhıt deńgeıindegi qalypty atmosferalyq qysymnan shamamen 1 072 ese kóp. Shuńǵymanyń eń tereń jeri teńiz deńgeıinen 10 994 m tómen ornalasqan.
Okeanos Explorer kemesinde jumys isteıtin mamandar sý astyna qashyqtan basqarylatyn apparat jiberip, ár túrli tereńdikte beınetaspaǵa túsirýde.
Bul joly olar jańalyq ashty, afıonov tektes balyqty tapty. Ǵylymı eńbekterde olar aýǵa túsken nemese óli tabylǵan túrlerine qarap sıpattalǵan. Olardy óz ómir súrý ortasynda eshkim kórmegen.
Osy túrge jatatyndar otrıady shamamen 2 000-6 000 metr tereńde ómir súredi.
Kameraǵa túsirilgen qubyjyq balyq 2 400 metr tereńde júzip júrgen.
