«Marǵulan tilshi bop júrgen jyl». - respýblıkalyq basylymdarǵa sholý
ASTANA. Jeltoqsannyń 23-i. /QazAqparat/ - Qazaq aqparat agenttigi respýblıkalyq basylymdarda jeltoqsannyń 23-i, sársenbi kúni shyqqan ózekti materıaldarǵa sholýdy usynady.
«Egemen Qazaqstan» gazeti óziniń 90 jyldyq torqaly toıyna arnalǵan búgingi arnaıy sanynda «Marǵulan tilshi bop júrgen jyl» atty maqalany jarııalap otyr. Aty aıtyp turǵandaı, maqala ataqty ǵulama Álkeı Marǵulannyń «Eńbekshi qazaq» gazetine tilshi retinde aralasqan qyzmeti týraly sóz etedi. «Egemen Qazaqstannyń» 90 jyldyq toıy qarsańynda kóp jaı kóńilge oralyp, kóp nárse eske túsedi. Máselen aǵa basylym ataýynyń segiz ret ózgertilýi...Soǵan oraı qazir logotıp dep atalyp júrgen gazet fırmalarynyń qaı sýretshilerdiń qolymen jazylyp, qalaı jaryq kórgendigi... Oılap qarasaq osynyń ózi tarıh qoı»,- dep tolǵaǵan atalmysh basylymdaǵy kelesi maqala «Gazet aty qalaı ózgerdi?» degen saýalǵa jaýap izdeıdi.
Sondaı-aq basylymnyń búgingi sanyndaǵy «Elbasy jáne «Egemen», «Syrlasym, qurdasym», «Ustaz», «Kıeli bosaǵa», «Jastarǵa qanat baılaǵan» syndy maqalalardyń barlyǵy «Egemen Qazaqstan» gazetiniń 90 jyldyq mereıtoıyna arnalady.
***
Keshe el Prezıdenti Nursultan Nazarbaev elimizde tirkelgen barlyq dıpkorpýs ókilderin Aqordaǵa shaqyryp, úlken kezdesý ótkizdi.
Kezdesýdiń egjeı-tegjeıin «Aıqyn» basylymynyń búgingi sanyndǵy «Biz bastapqydan-aq durys joldy tańdadyq» degen taqyryppen berilgen maqaladan oqı alasyzdar.
Basylymnyń dástúrli «Aq sóıle» aıdarynda «Jibek jolynyń tinindegi ulylyqty kemeńgerler ǵana kóre alady» degen taqyryppen akademık Saǵyndyq Satybaldınmen bolǵan suhbat jaryq kóripti. Suhbatta akademık QHR-nyń ekonomıkalyq reformalarynyń qalaı bastalǵany jaıly, Túrikmen gazynyń Qazaqstan arqyly Qytaıǵa burylýy jaıynda jáne basqada ózekti máseleler tóńireginde oı órbitedi.
Keıingi kezderi qoǵamda birneshe fılmniń tóńireginde ártúrli pikir, daý-damaı bolyp júr. Kópshilik qaýym, ásirese, «Kelin», «Tıýlpan», «Qaroı», «Oıpyrym-aı», «Qaırat - chempıon» syndy dúnıelerdi syn sadaǵyna alýda. Osyǵan jaýap retinde «Aıqyn» gazetiniń búgingi sanynda «Bizden de bir aýyz sóz» degen taqyryppen kınorejısser, Qazaqstandaǵy «Oskar» komıtetiniń tóraǵasy Satybaldy Narymbetovtyń maqalasy jaryq kóripti.
***
«Daǵystanda 9 aılyq Alı ıAkýbov degen náreste búkil álemniń aqparat quraldaryn nazaryn ózine aýdardy. Oǵan sebep - balanyń denesine hadısterdiń jazylyp shyǵatyny. Qasıetti jazýlar adamdy táýbege kelip, Allaǵa moıynsunýǵa shaqyrady. Ǵajaıyp bala Daǵystannyń Kızlıar aýdanynyń Krasnooktıabr aýylynda týǵan. Alıdi kórý úshin bul aýylǵa Soltústik Qap óńirinen kún saıyn 300-400 adam keledi eken», - dep jazdy «Jas alash» gazetiniń seısenbilik sany. Ǵajaıyp balanyń mán-jáıin gazettegi «Toǵyz aılyq balanyń denesine hadıster paıda bolýda» degen maqaladan oqyńyzdar
***
«Ata-baba ańsap kútken táýelsizdik bizge bir kúnde kelip túsken joq. Óıtkeni , táýelsizdik - jyldar, tipti ǵasyrlar boıy jan aıamaı kúresip ótken batyr babalarymyz ben el bastaǵan handardyń, odan qaldy, bılerdiń aq naızasynyń ushynyń, aq bileginiń kúshiniń eren erligi men muqalmas erlik-jigeriniń nátıjesinde kelgen erlik». Osylaı oı órbitken «Altyn orda» aptalyǵynyń osy jolǵy sanyndaǵy «Myń ólip, myń tirilgen» taqyrybymen berilgen maqala Qarauly Bókenbaı batyrdyń ómir joldaryna arnalypty.
Sondaı-aq osy basylymda jaryq kórgen Saǵat Arynulynyń áıgili Sáken Seıfýllın týraly tolǵaǵan essesi, «Sálem de Kókshetaýdyń bıigine...» degen taqyryppen berilipti.
«Kazahstanskaıa pravda» basylymy da Elbasynyń keshe Jańa jyl aldynda elimizde tirkelgen dıplomatııalyq korpýs ókilderimen kezdeskenin jazady. Sondaı-aq osy gazet Memleket basshysy Nursultan Nazarbaevtyń atyna AQSh Prezıdentiniń joldaýy kelgendigin jazypty. Onda Barak Obama Qazaqstan Prezıdentin respýblıkanyń táýelsizdik kúnimen quttyqtaǵan.
«Keshe Memleket basshysy Nursultan Nazarbaev Premer-Mınıstr Kárim Másimovti qabyldady», dep jazady «Kazahstanskaıa pravda» gazeti. K.Másimov Elbasyn 2009 jylǵy elimizdiń áleýmettik-ekonomıkalyq damýynyń qorytyndysy týraly jáne 2010 jylǵy josparlar jaıymen tanystyrǵan. Sondaı-aq kezdesý barysynda «Qazaqstan-2020» memlekettik strategııasyn júzege asyrýdaǵy negizgi aspektiler talqylanǵan.
Osy basylymnyń jazýynsha, keshe Memleket basshysy Nursultan Nazarbaev «Nur Otan» HDP tóraǵasynyń birinshi orynbasary Nurlan Nyǵmatýlındi qabyldaǵan. Kezdesý barysynda N.Nyǵmatýlın partııanyń kezekten tys HІІ sezinde berilgen tapsyrmalardy, Halyqtyq tuǵyrnamany júzege asyrý barysymen tanystyrǵan.
«Máskeýde Qazaqstannyń qurmetine metro stansysy atalady», dep habarlaıdy «Ekspress-K» gazeti. Arbat-Pokrovskıı jelisindegi Strogınsk ýchaskesiniń «Mıakınıno» stansysy endi «Qazaqstandyq» degen ataýǵa ıe bolady. Qaýlyǵa taıaý kúnderi Máskeý meri ıÝrıı Lýjkov qol qoımaq.
