Marǵaýlaryn brakonerlerden qorǵamaq bolǵan qar barysy olardy jep qoıdy
ASTANA. QazAqparat - Qar qabylanynyń urǵashysy Vıta men onyń eki marǵaýy Altaı Respýblıkasyndaǵy brakonerlik ilmektiń qurbanyna aınaldy, dep baıandady RIA Novostı agenttigine Altaı qoryǵynyń qyzmetkeri, Sibir jáne Reseıde ilbis boıynsha sarapshy Sergeı Spıtsyn.
«Marǵaýlardyń jasy alty aı ǵana bolǵan. Jan túrshigerlik jaǵdaı olardy sýretke túsirgennen keıin oryn alǵan, alaıda biz bul týraly endi ǵana bilip otyrmyz: onyń marǵaýlary kabargaǵa ornatylǵan ilmekke túsip qaldy. Anasy olardy shyǵarmaq edi, biraq kúızelis jaǵdaıyna túskendikten balalaryn jep qoıdy. Odan keıin sol ilmekke ózi túsip óldi», - dep baıandady Spıtsyn.
Onyń aıtýynsha, Altaı qoryǵynyń qyzmetkerleri brakonerler ornatqan ilmekterdi únemi alyp tastap otyrady, biraq barlyǵyn qadaǵalaý múmkin emes bolyp otyr.
Vıta alǵash ret 2011 jyly Argýt ańǵarynda sýretke túsirilgen. Ol óz esimin Altaıdaǵy ilbis monıtorınginiń qaza tapqan qatysýshysy Vıktor Samoılovtyń qurmetine aldy.
