Margaret Tetcherdi jerleý qymbatqa tústi

 Brıtanııalyq basylymdar oǵan ketken jalpy shyǵyn 15 mıllıon dollarǵa jetip jyǵylady dep baǵalap otyr. Al memlekettik bıýdjetke túsirgen salmaǵy - 5,6 mln dollardyń aınalasynda. 765 myń dollar kólemindegi aqsha jerleý rásimine shaqyrý qa­ǵazdaryna, qasıetti Pavl shirkeýindegi uıym­das­tyrý sharalaryna jáne qonaqtardy qarsy alýǵa jumsaldy. Al Býkıngemsk saraıynyń aınalasyn kúzetýge shyqqan polıtseıler men jol qatynasyn retteýshi polıtseılerge 1,6 mln dollardaı tólendi. Atalǵan rásimniń qaýipsizdigin qamtamasyz etý úshin 4 000-ǵa jýyq tártip saqshysy kóshege shyqty. Bul shyǵynǵa Tetcherdiń týǵan-týystary óz qaltalarynan qosqan qarjy kólemi qosylmady. Sebebi olar qan­sha kólemde qarjy qosqandaryn aıtýdan bas tart­qan. The Daily Telegraph basylymynyń esebinshe, «Te­mir hanymdy» jerleýge ketken qarjyny brı­ta­nııa­­lyqtardyń jan basyna bólsek, bar bol­ǵany to­ǵyz tsentten kelip otyr, dep jazady «Alash aınasy» basylymy.