Máre syzyǵyna eńbektep jetken marafonshy úshinshi oryn aldy - VIDEO
ASTANA. QazAqparat - Ostın (AQSh, Tehas shtaty) qalasyndaǵy marafonǵa qatysqan kenııalyq Hıvon Ngetık márege eńbektep júrip jetti.
Jarystyń kóp bóliginde 29 jastaǵy Ngetık aldyńǵylardyń qatarynda bolǵan. Alaıda márege 50 metr qalǵanda júgirýge shamasy kelmeı qaldy. Sportshyǵa múgedekterge arnalǵan arbamen medıtsınalyq qyzmetkerler kómekke keldi. Alaıda jarystan shyqqysy kelmegen qyz tórt taǵandap márege qaraı bet alǵan.
"Muny kórip qatty tańdandym. 43 jylda mundaıdy kórmeppin", - dedi uıymdastyrýshylardyń biri Djon Konlı.
3 saǵat 4 mınýt 2 sekýnd nátıjesimen kenııalyq úshinshi orynǵa ıe boldy.
