Marbýrg vırýsy: Densaýlyq saqtaý mınıstrligi epıd jaǵdaıǵa baılanysty baqylaýdy kúsheıtti
ASTANA. KAZINFORM — Densaýlyq saqtaý mınıstrligi Dúnıejúzilik densaýlyq saqtaý uıymynyń jańa qaýipti ınfektsııa — Marbýrg vırýsynyń órshýi týraly eskertýine baılanysty epıdemıologııalyq jaǵdaıdy baqylaýdy kúsheıtti. Bul týraly QR Bas memlekettik sanıtarııalyq dárigeri Sarhat Beısenova habarlady.
Marbýrg vırýstyq aýrýy — adamdarǵa da, basqa prımattarǵa da áser etetin sırek kezdesetin, aýyr vırýstyq gemorragııalyq qyzba. Vırýs tabıǵatta jarqanattarda kezdesedi jáne jarqanattardan adamdarǵa berilýi múmkin.
Marbýrg qyzbasynyń tabıǵı oshaqtary — Ońtústik, Batys jáne Ortalyq Afrıka elderi: Ońtústik Afrıka (Ońtústik Afrıka Respýblıkasy), Gabon, Sýdan, Kongo Demokratııalyq Respýblıkasy, Lıberııa, Gvıneıa, Zımbabve, Kenııa.
Aýrýdyń klınıkalyq kórinisteri vırýsty juqtyrǵannan keıin 2-21 kúnnen keıin paıda bolady.
Densaýlyq saqtaý mınıstrligi kelesideı profılaktıka sharalaryn saqtaýdy usynady:
Halyqtyń joǵary kóshi-qonyn eskere otyryp, Qazaqstan Densaýlyq saqtaý mınıstrligi qazaqstandyqtarǵa endemııalyq elderge barǵan kezde mynadaı profılaktıkalyq sharalardy saqtaýdy usynady:
1) juqtyrǵan adamdarmen baılanysta bolýdan aýlaq bolý;
2) Afrıka jýnglıinde kezdesetin jabaıy janýarlardan saq bolý;
3) jergilikti janýarlardyń nashar qýyrylǵan etin jemeý;
4) mysyrlyq jarqanattardyń kóp sany — vırýstyń asımptomatıkalyq tasymaldaýshylary bar úńgirler men shahtalarǵa barmaý;
5) aýrýdyń belgileri paıda bolǵan kezde dereý medıtsınalyq kómekke júginý;
6) jeke gıgıena erejelerin saqtaý.
Vırýs nesimen qaýipti?
Marbýrg vırýsyna qarsy arnaıy em men vaktsına joq. Tek sımptomatıkalyq emdeý ǵana júrgiziledi.
Vırýs adamǵa tikeleı baılanys arqyly beriledi. Siz zaqymdalǵan teri nemese shyryshty qabyqtar arqyly juqtyra alasyz. Sonymen qatar, vırýsty zattardyń betine tıgende jáne tósek-oryn nemese naýqastyń kıimi sııaqty materıaldardy ustaǵan kezde juqtyrýǵa bolady.
Aýrýdyń negizgi belgileri: qyzba; tamaq aýrýy; bórtpe; ishtiń aýyrýy; muryn men kózdiń qanaýy.
Marbýrg vırýsynyń taralý qaýpine baılanysty shekteý sharalary qabyldana ma?
«Densaýlyq saqtaý mınıstrligi Marbýrg vırýsynyń epıdemıologııalyq jaǵdaıynyń damýyn muqııat qadaǵalaıdy. Halyqaralyq áýejaılarda aýrýdyń respýblıkaǵa ákelinýine jáne taralýyna jol bermeý maqsatynda barlyq keletin jolaýshylardyń baılanyssyz termometrııasy júrgiziletin memlekettik shekarada sanıtarııalyq-karantındik baqylaý júzege asyrylady», — dep atap ótti S. Beısenova.
