Marat Shoranov: Vaktsına saldyrýǵa májbúrleý — zańsyz áreket
NUR-SULTAN. QazAqparat – Elimizde koronavırýsqa qarsy vaktsına saldyrý ár azamattyń óz erkinde. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.
Ortalyq kommýnıkatsııalar qyzmetinde ótken baspasóz máslıhaty barysynda BAQ ókilderiniń biri memlekettik qyzmetshilerdi vaktsına saldyrýǵa májbúrlep jatqany týraly aqparattyń taraǵanyn aıtyp, osyǵan qatysty birinshi vıtse-mınıstrden mán-jaıdy túsindirýin suraǵan edi.
«Ekpeni óz erkimen kelgen azamattarǵa ǵana salamyz. Vaktsına alǵan adamdarǵa aýrýhanaǵa barǵanda, el aýmaǵynda saparlaǵanda, shetelden elimizge kelse PTR test nátıjesi qajet bolmaıdy. ıAǵnı, olarda mundaı shekteýler alynyp tastap jatyrmyz. Biraq, bul qosymsha yntalandyrý úshin jasalyp otyr. Bireýlerdi kúshtep vaktsına saldyryp jatyr degen aqparatty ras dep aıta almaımyz. Mundaı jaıt oryn alsa, onda ol zańsyz áreket sanalady», - dedi Marat Shoranov.
