Marat Shoranov revaktsınatsııa týraly: Basynda óndirýshiler vaktsına ımmýnıteti 2 jylǵa deıin jetetinin aıtqan
«Memleket basshysy da aralyq vaktsınalaýǵa, ıaǵnı, qaıtalap vaktsınalaýǵa qajet kólem daıyndaýdy tapsyrǵan bolatyn. Biz vaktsınany daıyndaǵan taraptardyń bárimen tıisti jumys júrgizip jatyrmyz. Vaktsınany ázirlegenderge, Dúnıejúzilik densaýlyq saqtaý uıymyna revaktsınatsııa boıynsha vaktsınanyń túri men tıpine baılanysty naqty ustanymdaryn surap, tıisti saýaldar joldadyq. Qazir álemde revaktsınatsııaǵa júgingen elder bar. Biraq, ókinishke qaraı, bul máselede biryńǵaı talap nemese tásil joq. Damyǵan elderdiń bir qatary byltyr qarasha aıynda vaktsınany bastap ketken edi. Olar vaktsınatsııa tsıklinde 10 aıdan astam ýaqyt júr. Osy ýaqyt ishinde ujymdyq ımmýnıtet túskendikten revaktsınatsııa máselesi ózekti bolyp tur», - degen vıtse-mınıstr Qazaqstanda vaktsınalaýdyń qarqyn kezeńi mamyr men tamyz aıylaryna kelgenin eske saldy.
«Bizdiń jaǵdaıymyzda vaktsınatsııa aqpan aıynda bastaldy. Vaktsına alǵandardyń negizgi bóligi mamyrdyń sońy men tamyz aıynda ekpe qabyldady. Osy kezeńde 4,5-5 mln adam vaktsına alǵan. Bizdiń ujymdyq ımmýnıtetimiz, vaktsınanyń ımmýnıteti ázirge turaqty. Oǵan qazir eldegi epıdemıologııalyq jaǵdaıdyń turaqtana bastaǵany dálel», - dedi vedomstvo ókili.
Onyń aıtýyna qaraǵanda. Densaýlyq saqtaý mınıstrligi jýyq arada búkil óndirýshilermen bul máseleni pysyqtap, tıisti málimdeme jasamaqshy.
«Esterińizde bolsa, vaktsınatsııa bastalǵan kezde óndirýshilerden túrli aqparattar túsken edi. ıAǵnı, vaktsınanyń ımmýnıteti onyń túri men tıpine qaraı 1 jyldan 2 jylǵa deıin saqtalatyny aıtylǵan bolatyn. Bul aqparat resmı jarııalanǵan edi. Vaktsınatsııa bastalǵan kezde vaktsınanyń ımmýnıteti, ujymdyq ımmýnıtet qansha ýaqytqa sozylatynyn boljaý qıyn bolǵanyn eskerip, qazir osy máseleni jumys tobynda qarastyryp jatyrmyz. Qaıta vaktsına alýǵa nıettiler bar ekenin bilemiz», - dedi Marat Shoranov.
