Marat Shoranov: Oqýshylar arasynda koronavırýs 13 ese azaıdy

NUR-SULTAN. QazAqparat – Qazan aıynyń sońǵy eki aptasynda oqýshylar arasynda syrqattaný 1,3 ese tómendegen. Úkimet otyrysynda QR Densaýlyq saqtaý mınıstriniń birinshi orynbasary Marat Shoranov osyndaı málimet keltirdi, dep habarlaıdy QazAqparat tilshisi.

«Mektepke dástúrli formatta baratyn oqýshylar arasynda 15 028 jaǵdaı tirkeldi. Onyń ishinde baılanysta bolǵan adamdar arasynda –1 317 naýqas anyqtaldy. Bul aýyrǵan oqýshylardyń jalpy sanynyń 8,7 paıyzyna teń.

Qazan aıynyń sońǵy eki aptasynda oqýshylar arasynda syrqattaný 1,3 ese tómendedi», - dedi mınıstrdiń birinshi orynbasary.

Onyń sózine qaraǵanda, Pavlodar, Aqmola, Mańǵystaý, Túrkistan oblystarynda syrqattanýdyń 1,4 esege deıin ósýi baıqalyp otyr.

«Oshaqtarda 159 myń baılanysta bolǵan adam anyqtaldy. Onyń ishinde 0,8 paıyzynda (1317) COVID-19-dyń oń nátıjesi tirkeldi», - dedi Marat Shoranov.

Aıta keteıik, Úkimet otyrysynda Premer-Mınıstr Asqar Mamın óńirlerdiń bárinde koronavırýsqa qarsy shekteý sharalaryn qamtamasyz etýdi tapsyrdy.

«Jalpy epıdemıologııalyq jaǵdaı jaqsaryp keledi. Barlyq óńirlerde vırýs juqtyrý deńgeıi, aýyr jaǵdaıdaǵy naýqastardyń, statsıonarlyq jáne ambýlatorııada em alyp júgenderdiń sany azaıdy. Almaty jáne Nur-Sultan qalalary «qyzyl» aımaqtan shyqty. Qazir onda taǵy tórt óńir qaldy. «Sary» aımaqta – 4, «jasyl» aımaqta – 9 oblys bar. Degenmen kórshi elderdegi jaǵdaıdy da eskerý kerek. Barlyq óńirlerde shekteý sharalaryn qamtamasyz etý qajet. Monıtorıng toptary kúsheıtilgen rejımde jumys isteýge tıis», - dedi ol Úkimet otyrysynda.