Marat Shıbutov: Sońǵy 100 kún eldegi saıası júıeniń nyq jumysyn kórsetti
«Men jalpy bizdiń aımaqqa, Qazaqstan men onyń bolashaǵyna qatysty aıtylatyn ártúrli boljamdarǵa taldaý jasap otyramyn. Bul rette Qazaqstandaǵy bılik tranzıt máselesi árdaıym kóptiń talqysyndaǵy áńgimeniń biri edi. Prezıdent Qasym-Jomart Toqaevtyń memleket basshylyǵyndaǵy 100 kúndigi – Qazaqstannyń saıası júıesi qalyptasyp qana qoımaı, bekem jumys istep turǵanyn, bılikti eshqandaı problemasyz aýysa alatynyn da dáleldep berdi. Ártúrli jaısyz da jaıly boljamdardyń bolǵany belgili. Olardyń bárin shynyna kelgende toqsanynshy jyldardan beri oqyp otyrmyz. Olardyń kóbin joqqa shyǵarǵanymyzdy da aıta ketý kerek», - dedi saıasattanýshy elordadaǵy OKQ alańynda ótken «Qasym-Jomart Kemeluly Toqaev Prezıdenttigi: alǵashqy 100 kún – maqsattar, qadamdar, taktıkasy» atty dóńgelek ústel barysynda.
Marat Shıbutovtyń aıtýyna qaraǵanda, Qasym-Jomart Toqaevtyń el basqarýy bizdiń saıası klastyń kemel de ózgeristerge beıim ekenin kórsetken.
«Prezıdent qoǵamnyń suranystaryn anyq ári aıqyn qabyldap, sol boıynsha jumys júrgizip jatqanyn baıqap otyrmyz. Kópbalaly analardyń jaǵdaıyna kelgende baıqasańyz, tek nesıelik amnıstııa ǵana qabyldanyp qoımaı, biryńǵaı áleýmettik karta daıarlandy. ıAǵnı, naqty qadamdar qoǵamnyń suranystaryn qanaǵattandyryp keledi», - dedi Marat Shıbutov.
Aıta ketsek, Qasym-Jomart Toqaevtyń Memleket basshysy retinde halyq aldynda ant berip, ulyqtaý rásimine qatysqaly beri búgin 100 kún tolyp otyr. 100 kún ishinde atqarǵan jumystarynyń vıdeosholýyn myna siltemeden kórýge bolady.
