Marat Saǵymbek: Joldaýda aýylǵa da basa nazar aýdarylýy aıryqsha qýantty
Bul pikirdi Jetisý oblysy Panfılov aýdanynyń ákimi Marat Saǵymbek bildirdi, dep habarlaıdy QazAqparat.
«Jalpy Joldaýdaǵy aýyl sharýashylyǵy baǵytyna usynylǵan barlyq reformalar – salanyń jańa jaǵdaıda damýyna tyń serpin beretin ári der kezinde qolǵa alynǵan sharalar dep sanaımyz. Shyn máninde ıgerilmegen jerlerdi qaıtarý, sý tapshylyǵyn azaıtý, joldardy jóndeý – eń kókeıtesti máseleler. Al, aýyldardaǵy medıtsınany damytý – naǵyz sheshimin kútip turǵan sala bolatyn. Muny da sheshý jolyn Memleket basshysy múltiksiz kórsetip berdi», - deıdi aýdan basshysy.
Marat Saǵymbektiń aıtýynsha, Joldaýdaǵy áleýmettik sala boıynsha azamattardyń múddesiniń jan-jaqty qorǵalýy, ásirese, áıelderdiń zeınet jasyn ózgertý máselesin ońdy sheship, 2028 jylǵa deıin 61 jas deńgeıinde qaldyrǵany jáne bala kútimi úshin tólemaqy sábı 1,5 jasqa tolǵanǵa deıin tólenetini kópshiliktiń kóńilinen shyqqan. Al, Ulttyq qordyń jyl saıynǵy ınvestıtsııalyq tabysynyń 50 paıyzy balalar kámelet jasqa tolǵanǵa deıin olardyń arnaıy shotyna túsip turatyny da jurtshylyqty tánti etti.
«Qazaqstan halqyna» qory arqyly áleýmettik jaǵynan az qorǵalǵan jandarǵa kómek kórsetiletini de - áleýmettik ádildik pen teńdikti ornatýdyń bir quraly ekeni daýsyz. Úkimetke jastarǵa arnalǵan jańa 100 myń jumys ornyn ashýdy, olarǵa óz kásibin bastaý úshin 2,5 paıyzdyq jeńildetilgen nesıe berýdi tapsyrǵany – jastarymyzdyń myqty maman, isker kásipker bolýyna jol ashady dep oılaımyz. Jalpy, kópten kútken bul Joldaýda memleketimizdiń damýyna, halqymyzdyń ál-aýqatyn jaqsartýǵa qatysty eń mańyzdy máseleler túgel qamtylyp, ony oryndaýǵa baılanysty nusqaýlar naqty atap kórsetilgen», - deıdi aýdan ákimi.
Avtor: Nurádil BEGІMBET
