Marat Omarov koronavırýsqa qarsy taǵy bir jańa án shyǵardy
«Kúni keshe ǵana Almaty qalasynda volonterlerdi marapattaýǵa arnalǵan sharaǵa qatysqan edim. Olar pandemııa kezinde qarttarǵa, az qamtylǵan otbasylarǵa, jetimderge kómek kórsetýge jumyldyrylǵan bolatyn. Jastarymyzdyń oryn alǵan jaǵdaıǵa beıjaı qaramaıtyndyǵy, olardyń belsendi qoǵamdyq ustanymy tań qaldyrdy. Bul óte jaqsy», - dedi kompozıtor.
Sonymen qatar ol buǵan deıin «Koronavırýs, ket, ket, ket» dep atalatyn ázil án jazǵanyn, án qas-qaǵym sátte búkil áleýmettik jelige tarap ketkenin aıtady. Sonymen qatar tanymal vaınerler, ánshiler, mýzykanttar, blogerler men kishkentaı balalar bul ánge qatysty óz nusqasyn jarııalaǵanyn da eske salyp ótti.
«AQSh prezıdenti Donald Tramp «Amerıkada koronavırýspen kúreske mıllıondaǵan dollar jumsap, shyǵyndalýda. Al qazaq kompozıtory bir án jazyp, onymen kúresip jatyr» dep ázildepti. Árıne, bul qaljyń», - deıdi Marat Omarov.
Tanymal kompozıtor barsha qazaqstandyqty osynaý qıyn kezeńde uıymshyldyq tanytyp, karantın sharalaryn saqtaýǵa shaqyrdy.
«Barsha qazaqstandyqty maska kııýge, áleýmettik araqashyqtyq saqtap, antıseptık paıdalanýǵa shaqyramyn. Osy oraıda men kompozıtor retinde «Maska» dep atalatyn jańa án jazdym», - dedi ol.
Kompozıtordyń jańa áninde:
«Nadevaıte maskı - maska kıińder,
Betperdeni taǵyp, jaýyp júrińder.
Biz birgemiz, árqashan bárimiz birge,
Biz senemiz, alda baqytty kúnder!» degen joldar bar.
Marat Omarov taıaý kúnderi jańa ánimen chellendj bastaýdy josparlap otyr.
«Qazir volonterlermen daıyndyq júrgizip jatyrmyn. Chellendj bastamaq oıym bar», - deıdi kompozıtor.