Marat Qojaev jol erejesin jıi buzatyndarǵa jazanyń basqa túrin qoldanýdy usyndy
ASTANA. KAZINFORM – Senator Marat Qojaev elde jol júrisi qaǵıdalaryn júıeli túrde buzý turaqty sıpatqa ıe bolǵanyn jáne bul memleket tarapynan ústirt emes, keshendi ári prıntsıpti sheshimderdi talap etetinin málimdedi.
Depýtattyq saýalǵa adam ólimine ákep soqtyrǵan kezekti jol-kólik oqıǵalary sebep boldy. Óıtkeni júrgizýshilerdiń bir bóligi ákimshilik aıyppuldy jaza retinde qarastyrmaı keledi.
- Bul jaǵdaı qaýipti minez-qulyqty qalyptastyrady, ıaǵnı júıeli túrde tártip buzýshy isi aýyr, qaıtymsyz saldarǵa ákep soqtyrmaıynsha kólik júrgizýdi jalǵastyra beredi, - dedi M. Qojaev Senattyń jalpy otyrysynda.
Depýtat osyǵan baılanysty jyldamdyqty baqylaý júıesin jetildirý máselesin kóterdi. Onyń aıtýynsha, bir jerden ǵana sýretke túsirýdiń profılaktıkalyq áseri bolmaı otyr, óıtkeni júrgizýshiler jyldamdyqty kameralar aldynda ǵana tómendete salady. Osy oraıda eldi mekenderde ortasha jyldamdyqty baqylaýdy engizý usynyldy.
- Jaýapkershilik sharalary men zańǵa baǵyný minez-qulqyn yntalandyrý arasyndaǵy tepe-teńdikti qamtamasyz etý asa mańyzdy dep sanaımyz. Tártip buzbaıtyn júrgizýshilerdi yntalandyrý júıesin ázirleý mańyzdy, ıaǵnı olarǵa qatysty mindetti saqtandyrý qunyn tómendetý, servıstik ónimderdi paıdalaný kezinde jeńildikter berý jáne basqa da yntalandyrý tetikterin qarastyrý kerek. Atap aıtqanda, jol qozǵalysy erejelerin júıeli túrde buzatyn adamdarǵa qatysty kólik quraldaryn basqarýǵa jańa ári qaterge baǵdarlanǵan tásildi engizýdi jeke qarastyrýdy usynamyz», - dep atap ótti senator.
Eske salsaq, senat depýtaty Marat Qojaev júrgizýshilerdiń 5 paıyzy jol erejesin júıeli túrde buzatynyn aıtty.
Bul turǵyda senator osy júrgizýshiler aıyppuldy joǵary somada tóleýi kerek ekenin usyndy.
