Marat Qarabaev mashına jasaý salasyndaǵy 3 mindetti atady
«Avtomobıl jasaý salasyna keletin bolsaq, 2022 jyldyń qorytyndysy boıynsha ishki naryqta 150 myń avtomobıl satyldy. Onyń 103 myń birligin otandyq kompanııalar jasap shyǵarǵan bolatyn. Bıyl avtomobıl óndirýshilerine qatysty saıasatty qaıta qaraý turǵysynan mańyzdy sanalady. Bul sektorda bizdiń aldymyzda 3 mindet tur. Birinshi - shyǵarylatyn avtomobılder qataryn keńeıtý. Qazirgi tańda eki avtomobıl zaýytynyń qurylysy júrip jatyr», - dedi ol.
Mınıstrdiń aıtýynsha, ekinshi - shaǵyn torapty qurastyrýdy damytý. Ol úshin avtokólik óndirýshilerine kólik quraldaryn oqshaýlaý jáne shaǵyn torapty qurastyrýǵa kóshý úshin talaptardy kúsheıtý boıynsha is-sharalar qabyldanyp jatyr. Úshinshi - komponenttik bazany qurý. Búgingi kúni dońǵalaq dıskilerin, akkýmýlıatorlardy shyǵaratyn kásiporyndar jumys isteıdi. Olardy otandyq avtomobılderge ornatý úshin omologatsııa protsesi ótkizilýde.
«Oqshaýlaý deńgeıin tereńdetý aıasynda avtomobıl oryndyqtaryn, mýltımedııalyq júıeni, qaptamalardy, shashyratqyshtar men shınalar sııaqty avtokomponenttik bazany damytý josparlanýda. Ol úshin tıisti óndiris oryndarynyń qurylysy bastaldy», - dedi Marat Qarabaev.